សំឡេងស្អក គឺជាការផ្លាស់ប្ដូរសំលេងខុសប្រក្រតីដែលបណ្ដាលមកពីលក្ខខណ្ឌផ្សេងៗ។ សំឡេងត្រូវបានផ្លាស់ប្ដូរទៅជាគ្រល លឺខ្សាវៗឬត្បៀត។

សំឡេងស្អក អាចបណ្ដាលមកពីកក្តាមួយចំនួន ក្នុងនោះភាគច្រើនបណ្ដាលមកពីការរលាកបំពង់សំឡេង​ស្រួចស្រាល់ ការបង្កមកពីការរលាកផ្លូវដង្ហើមខាងលើនិង​មួយចំនួនតូចបណ្ដាលមកពីការប្រើប្រាស់សំឡេង​ច្រើន។

សំឡេងស្អកអាចបណ្តាលមកពីមូលហេតុផ្សេងៗទៀត ដូចជា៖

• ដុំពក ឬគីស នៅនឹងបំពង់សំលេង

• ការច្រាលជាតិអាស៊ីតក្រពះ

• អាលែកហ្ស៊ី

• ការហឺតចូលនូវសារជាតិគីមី

• ការជក់បារី

• ជំងឺពកក

• ការគ្រោះថ្នាក់ចំបំពង់សំលេង

• វិបត្តិប្រព័ន្ធប្រសាទ

• ដុំមហារីកបំពង់សំឡេង

បើលោកអ្នកមានបញ្ហាទាក់ទងនឹងសំឡេង សូមស្វែង​រក​ការពិនិត្យ ពិគ្រោះ និងព្យាបាលឲ្យបានទាន់ពេលវេលា៕

ប្រភព៖ មន្ទីរពេទ្យកាលម៉ែត្រ