ទម្លាប់ប្រចាំថ្ងៃបីយ៉ាង អាចធ្វើឲ្យសុខភាពយើងចុះខ្សោយ
- 2026-02-06 02:29:10
- ចំនួនមតិ 0 | ចំនួនចែករំលែក 0
ចន្លោះមិនឃើញ
សម័យឥឡូវក្មេងៗភាគច្រើនចូលចិត្តអាហារបែបរហ័ស លឿនទាន់ចិត្ត ហើយមានភាពងាយស្រួល ឆាប់បានញ៉ាំ ដោយពេលខ្លះពួកគេភ្លេចបានគិតទៅលើសុខភាពរាល់ថ្ងៃ ព្រោះគិតថាខ្លួននៅក្មេងមិនអីនោះទេ នៅមានកម្លាំងគ្រប់គ្រាន់មានងាយឈឺ ពិសេសចូលចិត្តដាច់យប់តែម្ដង។ ដូចនេះ បញ្ហាដែលយុវវ័យត្រូវប្រឈមជាមួយរបបអាហារមួយចំនួន និងទម្លាប់រស់នៅប្រចាំថ្ងៃអាចបំផ្លាញសុខភាពទូទៅរបស់ខ្លួនឯងទាំងនៅវ័យក្មេង។
ពាណិជ្ជកម្ម
១. ញ៉ាំអាហារបំពងស្ទើរតែរាល់ថ្ងៃ
មាន់បំពង និងដំឡូងបារាំងបំពង គឺជាអាហារសំណព្វចិត្ត។ អាហារបំពងមានផ្ទុកជាតិខ្លាញ់អាក្រក់ខ្ពស់។ ប្រេងដែលបំពងក្នុងសីតុណ្ហភាពខ្ពស់ បង្កើតឱ្យមានសមាសធាតុអុកស៊ីតកម្មដែលបង្កឱ្យមានការរលាក។ កាលណាញ៉ាំជាប្រចាំ រាងកាយងាយនឹងធាត់លើសទម្ងន់ លើសជាតិខ្លាញ់ក្នុងឈាម និងលើសសម្ពាធឈាម ដែលសុទ្ធតែជាកត្តាបំផ្លាញសរសៃឈាម។
២. តែទឹកដោះគោ ឬភេសជ្ជៈផ្អែមៗ
ភេសជ្ជៈដែលមើលទៅហាក់គ្មានគ្រោះថ្នាក់ តែជាបន្ទុកដ៏ធ្ងន់សម្រាប់តម្រងនោម តែទឹកដោះគោមានវត្តមានស្ទើរតែរាល់ថ្ងៃក្នុងជីវិតរបស់យុវវ័យសម័យថ្មី។ ភេសជ្ជៈប្រភេទនេះមានជាតិស្ករខ្ពស់បំផុត ធ្វើឲ្យមានហានិភ័យនៃជំងឺទឹកនោមផ្អែម។ ជំងឺទឹកនោមផ្អែមរ៉ាំរ៉ៃ គឺជាមូលហេតុចម្បងដែលនាំឱ្យខ្សោយតម្រងនោម។ ក្រៅពីនេះ តែទឹកដោះគោខ្លះក៏សម្បូរទៅដោយផូស្វ័រ និងសារធាតុបន្ថែម ដែលតម្រងនោមត្រូវប្រឹងប្រែងខ្លាំងដើម្បីបញ្ចេញចោល។
៣. ការដាច់យប់រ៉ាំរ៉ៃ
ការដាច់យប់រ៉ាំរ៉ៃ ធ្វើឱ្យតម្រងនោមគ្មានពេលស្តារឡើងវិញ ពេលយប់គឺជាពេលវេលាដែលរាងកាយជួសជុលខ្លួនឯង និងបញ្ចេញជាតិពុល ហើយតម្រងនោមក៏ត្រូវការសម្រាកតាមនាឡិកាជីវសាស្ត្រដែរ។ ការដាច់យប់យូរអង្វែងនាំឱ្យរំខានដល់អ័រម៉ូន បង្កើនសម្ពាធឈាម និងបង្កើនហានិភ័យនៃជំងឺធាត់ និងទឹកនោមផ្អែម ដែលសុទ្ធតែជាផ្លូវកាត់ឆ្ពោះទៅរកការខ្សោយតម្រងនោម។
អាហារដែលមនុស្សគ្រប់គ្នាចូលចិត្តនិងទម្លាប់ពេលយប់ដែលមើលទៅសាមញ្ញ អាចនឹងត្រូវសងវិញដោយដោយធ្វើឲ្យសុខភាពទូទៅ ឬតម្រងនោមយើងចុះខ្សោយ៕
ពាណិជ្ជកម្ម
អត្ថបទពេញនិយម
អត្ថបទថ្មី
